फोर लेन और माल म्हारे चेहरा खूब चमकाया रै

लिंग अनुपात अनीमिया नै म्हारे कालस लगाया

रै दो छोर म्हारे हरयाने के नहीं मेरी समझ मैं आवें

एक कान्ही सबते बाढ़ कार हरियानावासी बनावें

महिला भ्रूण हत्या करके सबते तेज कार चलावें

गर्भ वती महिला खून कमी जापे के माह मर

जयावेंसोच सोच इन बातां नै दिमाग मेरा चकराया रै

आर्थिक विकास घना सामाजिक विकास थोडा बताते

विकास मॉडल मै मोजूद कमी नहीं खोल कै दिखाते

सचाई नै आंकड़ो बीच कई बुद्धिजीवी बी छिपाते

म्हारे नेता बी सचाई तै बहोत घना आज घबराते

पांचो घी मैं जिसकी सें हरियाणा नंबर वन भाया रै

आर्थिक विकास की माया देखो पिसा छागया चारो और
नंबर वन हरियाणा का मचाया चारो कान्ही शोर
धरती बिकती जा म्हारी औरो के बीके डांगर ढोर
 शाह नै मात देवें ये समाज सेवी बनके ठग चोर
चोर दवारा साह खुले के मैं जाता रोजाना धमकाया रै
कई बाई सोचूँ लोट खाट मैं आज हुआ किसा विकास यो
दिमाग भन्नाया सै मेरा सोचै कदे होरया हो विनास यो
 ठेकेदारी का बोलबाला सै मदत म्हारा उपहास यो
विकास हुआ या विनास हिल गया मेरा विश्वास यो
रणबीर बरोने वाला ना इनकी बहका मैं आया रै