भाजपा भाई हुई हड़खाई

भाजपा भाई हुई हड़खाई मोदी मोदी पुकारै रै।
मोदी अमरीका का टोड्डी किसान नहीं बिचारै रै।
       अटल बिहारी माफी मांग जेल तैं बाहर आये थे
       गोडसे आर एस एस का जिसनै गान्धी मार गिराये थे
 मन्दिर मस्जिद के झगड़े पुराने हथियार संवारै रै।
 मोदी अमरीका का टोड्डी किसान नहीं बिचारै रै।
       दे'शी  की बात करै बदेशियां तैं कई बै हाथ मिलाये
       बदेशी  लूट के खोले दरवाजे हम समझ नहीं पाये
 दंगे करवा हिन्दू मुस्लिम के घणे माणस या मारै रै।
 मोदी अमरीका का टोड्डी किसान नहीं बिचारै रै।
       इतिहास गवाह सै इसका देष का या नाष करैगी
       डंडे गेल्यां हांकैगी सबनै अम्बानी का पाणी भरैगी
भाजपा नै रोको किसानो फासीवाद खड़या द्वारै रै।
मोदी अमरीका का टोड्डी किसान नहीं बिचारै रै।
       भाजपा आई पर मंहगाई उडे़ की उडै़ खड़ी देखो
       सोच समझ कै वोट गेरियो किसानी मूंधी पड़ी देखो
कसूता यो जहर फैलाया जीती तो सैकुलेरिज्म हारै रै।
मोदी अमरीका का टोड्डी किसान नहीं बिचारै रै।