मॉल नुट्रिसन नै प्रान्त मैं घना तहलका मचा राख्या
नंबर वन हरयाणा इसका सिर तले नै करा राख्या
हरया भरया हरयाणा जित दूध दही का खाना कहते
दूध घाल ढोलां मैं दिल्ली भेजैं खुद सीत पी खुश रहते
साठ प्रतिशत गर्भवतियों मैं यो अनीमिया आज बता राख्या ।
अनीमिया कर कै महिला कै कम वजन का बच्चा होवै
कम वजन कर कै कुपोषण का भार सारी उम्र ढो वै
सरकारी खात्यों के सर्वे उन मैं सारा हिसाब लगा राख्या ॥
लम्बाई के हिसाब मैं भी घने बच्चे पूरे नहीं उतरते
बचपन मैं कुपोषण हो तै ये सारी उम्र नहीं उभरते
कुपोषण नै हरयाणा मैं भी यो जाल गजब बिछा राख्या ॥
हम सबनै पड़ेगा सोचना म्हारे विकास के बारे भाई
उपरले तो ठाठ करैं सैं निचले भुगतैं सै म्हारे भाई
रणबीर सिंह सोचां तरीके जिन्तै नीचला ऊपर ठा राख्या ॥
नंबर वन हरयाणा इसका सिर तले नै करा राख्या
हरया भरया हरयाणा जित दूध दही का खाना कहते
दूध घाल ढोलां मैं दिल्ली भेजैं खुद सीत पी खुश रहते
साठ प्रतिशत गर्भवतियों मैं यो अनीमिया आज बता राख्या ।
अनीमिया कर कै महिला कै कम वजन का बच्चा होवै
कम वजन कर कै कुपोषण का भार सारी उम्र ढो वै
सरकारी खात्यों के सर्वे उन मैं सारा हिसाब लगा राख्या ॥
लम्बाई के हिसाब मैं भी घने बच्चे पूरे नहीं उतरते
बचपन मैं कुपोषण हो तै ये सारी उम्र नहीं उभरते
कुपोषण नै हरयाणा मैं भी यो जाल गजब बिछा राख्या ॥
हम सबनै पड़ेगा सोचना म्हारे विकास के बारे भाई
उपरले तो ठाठ करैं सैं निचले भुगतैं सै म्हारे भाई
रणबीर सिंह सोचां तरीके जिन्तै नीचला ऊपर ठा राख्या ॥
No comments:
Post a Comment