कम्पीटीसन बेशर्मी का

चौखी चुभती 

   कम्पीटीसन  बेशर्मी  का 
कम्पीटीसन तै बड़े बड़े देखे अर सुने पर इस बबाल का नाम कदे नहीं सुण्या  था । रागनी कम्पीटीसन , ब्यूटी कम्पीटीसन , पी ऍम टी कम्पीटीसन,तै खूब मशहूर हुए अर इन कम्पीटीसनां  की देखा देखी म्हारे देश के नेतावां नै  भी बेशर्मी का कम्पीटीसन शुरू कर दिया दिल्ली मैं । टी वी पै इसका सीधा प्रसारण होवै  सै अर जनता बिचारी नै चुपचाप होकै देखना पड़रया सै । रागनी कम्पीटीसन  मैं तो जै कोए रागनी आछी ना लागै तो हूँ हूँ कर कै गावानिया नै जनता बिठा बी दे , पर इन फुफ्याँ का के करै ? बेशर्मी के ट्रेलर तै पहलडे नेता बी दिखा दिया करैं थे कदे कदे पर वे शर्मा बी तावले ऐ जाया करते । फेर इस एक साल मैं इब आली सर्कार नै तो सारी ऐ शर्मोहया खूंटी पै इतनी ऊंची  टाँग  दी अक कोए तारना चाहवै  तो भी नहीं तार सकदा । घोटालयां पै  घोटाले पर कोए फिकर नहीं । दुसरे की पार्टी के नेता का घोटाला तो सही अर अपनी पार्टी के नेता का घोटाला फर्जी इल्जाम । कस्सोता कम्पीटीसन माच्र रया सै घोटाल्याँ  का । इसे कर कै लगै सै अक रागनी कम्पीटीसन बंद होगे अर पाले सते मास्टर सतबीर रणबीर 
बणवासनिया ये सब बेरोजगार होगे ।