गंडासे तै बेटी काटी

गंडासे तै बेटी काटी 
गाम खोरांव मैं काटी बेटी  इज्जत खातिर बताई 
प्रेमी गेल्याँ  देखी बाबू नै लाठी उस पर बरसाई 
पीट पीट लाठियां तैं बेहोश करी अपनी बेटी रै 
बेहोश का गला काट दिया न्यों झेंप ऊनै मेटी रै 
प्यार की कीमत छोरी नै उडै  मरकै नैए चुकाई ।।
कौशाम्बी उत्तर प्रदेश मैं कोखराज थाना बताया 
खोरंव गाम इसमें बसै  बाप नै यो जुल्म कमाया 
बाबू बोल्या क्यों इसने आडे प्रेम की पींग बढ़ाई ।।
प्रेमी मौका देख कै उड़े तें एकदम फरार होग्या 
किशोरी घरां पहोंची तो बाबू क्यों आपा खोग्या 
गया यो बदल जमाना क्यूं पुरानी बीन बजाई  ।।
एक प्रेमी जोड़ा और भेंट चढ्या कसाई समाज की 
न्योएँ मारे  ज्यावें प्रेमी चढ़ भेंट पुराने रिवाज की 
कहै रणबीर समाज यो कद समझेगा अन्याई ।।